Kooxda Qaylo dhaan oo Heesti Dhagaxtuur soo saaray
Views:105 | Friday, December 2nd, 2011 | By Somali radio

Halkan ka Dhageeyso

Nairobi(Somali radio): Kooxda Qaylo-dhaan ayaa todobaadkan ku soo bandhigay magaalada Nairobi hees cusub oo layiraahdo (Dhagaxtuur) heesta oo xambaarsan murti baaxad leh ayaa waxaa alifay Abwaanka Soomaaliyeed oo kamid ah kooxda Qaylo-dhaan Abwaan AD.

 

Kabiirka kooxda Qaylo-dhaan Cabdi Shire Jaamac (Ciyaar jecel) ayaa usheegay Somaliradio in heestani ay ku socoto dadweynaha Soomaaliyeed gaar ahaan kuwo daneynaya in wadankeena xaalada uu kusuganyahay laga badalo.

Waxaa uu Cabdi Shire intaa ku daray in heestan ay muujineyso in Shacabka Soomaaliyeed uu ka dhamaaday dulqaadkii faraha badnaa ee ay mudada dheer u hayeen xildhibaanada iyo dowladahii fadhiidka ahaa ee dalka iyo dadkaba ladagay.

 

Abwaanka curiyay heesta Abwaan AD waxaa uu isna usheegay Somaliradio in Qaylo-dhaan ay siiwadi doonto howsha addag ee mutadawacnimada ah ee ay uhayso umadda Soomaaliyeed.

 

Abwaan AD oo inyar ka sheegaya miraha Heesta waxaa uu yirri.

Dhakafaarka aduunka

dhacdadaan nala fiirsha

Kuwii dhiiga cabaayay

dayarteeni dhameeyay

Dhulkeenii kala gooyay.

Toban dheehna uyeelay

gumeystuhu uu ku dhaarto

Shaxda seey udhaceeyso

dib inay udhismaan baa

Shirarka loodhigayaa

Siyaasadiina dhibtaa Vilada dhaafin dhexdeeda

Dadweynihii kudhamaayee dhamaantiinba na dhaafa.

 

Yahye Labaale oo gacanweyn ka geeystay soo saaridda heesta Dhagaxtuur ayaa sheegay in heestan ay kamid tahay heesihii ugu muhim sanaa ee uu maqlo mudadii uu dhageysanayay heesaha wadaniga ah ee Kooxda Qayl-dhaan.

 

Waxaa uu intaa kudaray inuu aad ugu faraxsanyahay in maanta umada Soomaaliyeed ay fahmeen halka ay dhibaatadu kajirto iyo in dalka dib looga fakero. Soomaalidu waa dad Gabayda iyo Murtidaba aad udhuuxa waxaana aan rajeeynayaa in jawaab wanaagsan ay bulshadu ka bixindoonto fariinta ay xambaarsantahay Heestani kadib marka ay dhageystaan.


Somali Radio  

Soomaaliya sidan ayaa loo rabaa mustaqbalka dhow
Mashruuca dib u dhiska iyo federaaleynta Soomaaliya Waxaa socda mashruuc dib loogu dhisaayo Soomaaliyo oo ka kooban labo weji, waxaana ka qayb qaadanayaan Dowladaha horay u maray ee reer galbeedka ah, taasoo ujeedadiisu ay t 9th Jan 2014

R/waaraha J .F. Soomaaliya Dr. C/weli Sh. Axmed Oo Dhambaal Hanbalyo Ah Ka Helay Dhiggiisa Ethiopia
Muqdisho, Dec, 22, 2013…..Ra’iisul Wasaaraha Cusub ee Soomaaliya Dr. Cabdiweli Sheekh Axmed Maxamuud ayaa dhanbaal hambalyo ah ka helay dhiggiiisa dalka Ethiopia mudane Hailemariam Desalegn, waxana warqadda hanbalyada ah k 23rd Dec 2013

Wafdi Ka Socda Dowladda Oo Howlo Dhex Dhexaadin Ah U Tegay Gobolka Shabeelaha Hoose
Wafdi ka socada Dowladda Federaalka ah ee Soomaaliya oo uu horkacayo Siihayaha Wasiirka Gashaandhigga Soomaaliya C/xakiin Maxamuud Xaaji Fiqi ayaa maanta gaaray deegaano ka tirsan gobolka Shabeelaha Hoose si ay uu xaliyaan colaad beeleedyada go 23rd Dec 2013

DAGAALO KHASAARO GEYSTAYOO MAANTA KA DHACAY DEGMADA AFGOOYE
Waxaa faah faahin ay ka soo baxaysa dagaal saaka ka dhacay  duleedka degmada Afgooye,waxana la sheegaya khasaaraha dagaalku inuu sii kordhay. Wararkii ugu danbeeey ee laga helayo dagaalka waxaa ay soo sheegayan in ugu yaraan 11- 22nd Dec 2013

Ethiopia oo halbalyeysay raysul wasaaraha cusub ee Soomaaliya
Ra’iisul wasaaraha cusub ee Soomaaliya, Cabdiweli Sh. Axmed Maxamuud ayaa dhambaal hambalyo ah maanta ka helay dhiggiiisa Itoobiya, Hailemariam Desalegn, waxana warqadda hanbalyada ah ayaa ku aaddan magacaabistiisa iyo ansixintiisa shalay 22nd Dec 2013